Bugun, 13-may kuni viloyatimizdagi barcha oliy taʼlim muassasalari talabalari o‘rtasida oʻtkazilayotgan “Talabalar festivali – 2024” haftaligi Urganch davlat universitetida ham yuqori saviyada boshlab yuborildi.

Bugun Kimyoviy texnologiyalar fakulteti sport kompleksida mazkur haftalikning ochilish marosimi hamda sport musobaqalariga start berildi. 

Ochilish marosimida universitet birinch prorektori D.Ibadullayev, rektor maslahatchisi R.Sharipov hamda Yoshlar ittifoqi Xorazm viloyati kengashi raisi v.v.b. F.Otajonovlar tomonidan talaba-yoshlarga haftalik doirasidagi barcha tadbirlar haqida maʼlumotlar berib, yoshlarni faollikka chaqirishdi. 

Aytish joizki, bu yilgi festival Xorazm viloyati hokimligi, Yoshlar ishlari agentligi Xorazm viloyati boshqarmasi hamda Oʻzbekiston Yoshlar ittifoqi Xorazm viloyati kengashi bilan hamkorlikda yuqori saviyada tashkil qilinayotganligi har yilgilaridan farqli tomoni ekanligini koʻrsatadi.

Ochilish marosimidan soʻng, sportning deyarli barcha turlaridan musobaqalar boshlab yuborildi.