Joriy yilning 14-mart kuni UrDU O'zbek filologiyasi fakultetida so'z mulkining sultoni Alisher Navoiy ijodini, boy adabiy merosini chuqur oʻrganish, uning asarlari mazmun-mohiyatini teran anglash maqsadida universitet talabalari ishtirokida anʼanaviy tarzda oʻtkazilib kelinayotgan "Navoiyxon talaba" ko‘rik- tanlovining 2024-yildagi ilk soni bo'lib o'tdi.Tanlov 3 shart asosida ishtirokchilar orasidagi oʼzaro savol-javob va bahs-munozaralarga boy tarz kechdi. Badiiy qism Filologiya va tillarni o'qitish: o'zbek tili ta'lim yo'nalishi 235-guruh talabalarining chiqishlari, Navoiy asarlari asosida tayyorlangan sahna koʻrinishi hamda Navoiy ijodiga mansub gʻazallarga bastalangan kuy-qoʻshiq va go'zal raqslar bilan yanada jonli tus oldi.