Jamiyatda sog'lom turmush tarzini shakllantirish, kasalliklarning oldini olish, aholi keng qatlamlarini, ayniqsa, keksalar va yoshlarni jismoniy tarbiya va sport bilan shug'ullanishga jalb etish, ommaviy sportning inson hayotidagi muhim ahamiyatini targ'ib etish borasida barcha idora-tashkilotlarda ommaviy sport tadbirlari muntazam oʻtkazib kelinmoqda. 

Bugun erta tongdan Urganch davlat universiteti hududi boʻylab oliygohning mingdan ziyod talaba-yoshlari va professor-oʻqituvchilari “22-sentabr – Xalqaro avtomobilsiz kun” munosabati bilan “10 ming qadam piyoda" aksiyasida faol ishtirok etdilar. 

Oʻzbekiston Ekologik partiyasi Xorazm viloyati boʻlimi hamkorligida tashkil etilgan mazkur marafon ommaviy sport tadbirlarining mantiqiy davomi va chinakam sport bayramiga aylanganligini qayd etishimiz joiz.