Bugun Urganch davlat universitetida “Talabalar ligasi” hamda “5 tashabbus olimpiadasi” sport musobaqalarining voleybol va badminton boʻyicha fakultetlararo baxslari boʻlib oʻtdi.

Xususan, Tabiiy va qishloq xoʻjaligi fanlari fakultetida voleybol, Sanʼat va sport fakulteti esa badminton sport turi boʻyicha uchrashuvlar boshlandi. Musobaqalarda 600 nafarga yaqin talabalar ishtirok etdi. Jarayonlar Sport klub hamda Sanʼat va sport fakulteti oʻqituvchilaridan tuzilgan trenerlar tomonidan tashkil etilmoqda.

Liga musobaqalari barcha sport turlari boʻyicha oʻquv yili yakuniga qadar bosqichma-bosqich davom etadi.