Puatye universiteti vakillari va Xorijiy filologiya fakultetining fransuz tili o'qituvchilari uchrashuvi boʻlib oʻtdi

Bugun, 28-yanvar kuni Fransiyaning hamkor Puatye universiteti vakillari: fransuz tili o‘qituvchisi prof. Corinne Delbart, Chet tillar va adabiyot fakultetining Xalqaro hamkorlik bo‘yicha dekan oʻrinbosari, ingliz tili o‘qituvchisi prof. Isabelle Millon-Zumstein, Xalqaro hamkorlik bo‘limi xodimi prof. Josselin Madec va prof. Patrice Naudinlardan iborat delegatsiya Xorijiy filologiya fakultetida bo‘lib, fransuz tili yo'nalishi o'qituvchilari bilan uchrashdilar.

Uchrashuv doirasida mehmonlar fakultet bilan yaqindan tanishdilar. Fransuz tili o'qituvchilari bilan delegatsiya aʼzolari o'rtasida qizg'in suhbat boʻlib oʻtdi. Uchrashuv natijasida tomonlar fransuz tilini oʻqitish boʻyicha oʻzaro tajriba almashish imkoniga ega boʻlishdi.