Joriy yil 18-noyabr kuni Kimyoviy texnologiyalar fakultetida O'zbekiston Respublikasi Davlat bayrog'i  qabul qilinganligining 31 yilligi, qolaversa, yangi ta'mirlangan fakultet o'quv binosining foydalanishga topshirilganligi munosabati bilan bayram dasturxoni yoyildi.

Dasturxon boshida UrDU rektori B.Abdullayev hamda universitetning faxriy ustozlari  davlatimiz bayrog'i  qabul qilinganligining 31 yillik bayrami, shuningdek, yangi o'quv binosi bilan Kimyoviy texnologiyalar fakulteti jamoasini qizg'in tabrikladilar. Ushbu zamonaviy bino talaba-yoshlarni yuksak ma'naviyatli, teran aql-idrokli, ilmli, zamon talablariga javob beradigan malakali kadrlar bo'lib yetishlarida uzoq yillar davomida xizmat qilsin, deya ezgu tilaklar bildirdilar.