Prezident ta'lim muassasalari agentligi tizimidagi Ogahiy ijod maktabi va Urganch davlat universiteti bilan hamkorlikda reja-jadvalga ko'ra Filologiya fakulteti professor-o'qituvchilari tomonidan mahorat darslari olib borilmoqda. Yanvar oyining 26-sanasida O'zbek tilshunosligi kafedrasi o'qituvchisi A.Allaberganova mazkur maktabda  "Ogahiy-tarixnavis" mavzusida mahorat darsi tashkil qildi.  Darsda Ogahiyning muarrix sifatidagi faoliyati,  tarixiy asarlari, Xorazm adabiy muhiti bo'yicha o’quvchilarga batafsil ma’lumot berildi. Mahorat darsi  o’quvchilarda katta taassurot qoldirdi.