Ixtisoslashtirilgan ta'lim muassasalari agentligi tizimidagi Ogahiy ijod maktabi va Urganch davlat universiteti hamkorligi doirasida mazkur maktabda UrDU O'zbek filologiyasi fakulteti professor-o'qituvchilari tomonidan mahorat darslari tashkil qilinmoqda.

Joriy 14-mart sanasida UrDU O'zbek filologiyasi fakulteti O'zbek tili va adabiyoti kafedrasi o'qituvchisi Z.Saidjonova Ogahiy nomidagi ijod maktabining o'quvchilariga mahorat darsi olib bordi. Mahorat darsi "Yozuvchi adabiy-estetik maqsadini ochib berishda takrorning o'rni" (Luqmon Bo'rixonning "Quyosh hali botmagan" qissasi misolida) mavzusida tashkil qilindi. Mashg'ulotda asar qahramonlarining hayoti, syujet jarayonlari yuzasidan ma'lumotlar berildi.