2023-yildan boshlab Rossiya Federatsiyasining Sankt-Peterburg davlat universitetiga qarashli Tilni bilish bo‘yicha test sinovi markazi va Urganch davlat universiteti o‘rtasidagi shartnomaga muvofiq, hamkor oliy ta’lim muassasasining mutaxassislari tomonidan viloyatimizning umumiy o‘rta ta’lim maktablari o‘qituvchilariga xalqaro darajadagi sertifikat berish bo‘yicha sinovlar o‘tkazilishi yo‘lga qo‘yildi. 

Jumladan, ushbu sinovlarning birinchi sessiyasi joriy yilning 3-fevral kuni Urganch davlat universitetida o‘tkazildi. Har bir sinov 5 subtestni o‘z ichiga oladi: o‘qish, yozish, tinglab tushunish, gapirish, leksika-grammatika.

Ushbu sinovlarning birinchi sessiyasi chet ellik mutaxassis Oleg Ivanovich Kriniskiy va Nizomiy nomidagi TDPU mutaxassisi Yuliya Matenovalar tomonidan o‘tkazildi.