TELEKOMMUNIKATSIYA TEXNOLOGIYLARI FAKULTETI
“Telekommunikatsiya texnologiyalari” fakulteti Muhammad al-Xorazmiy nomidagi Toshkent axborot texnologiyalari universiteti Urganch filialining 2018-yil 3-sentabrdagi 595-sonli buyrug‘i asosida tashkil qilingan. Muhammad al-Xorazmiy nomidagi Toshkent axborot texnologiyalari universiteti Urganch filialining 2020-yil 2-sentabrdagi 78n-sonli buyrug‘i asosida “Telekommunikasiya texnologiyalari va kasbiy ta’lim” fakulteti nomi “Telekommunikasiya texnologiyalari” fakulteti deb o‘zgartirilgan. 2018-2019 yillarda Raximboyev Xikmat Jumanazarovich “Telekommunikatsiya texnologiyalari va kasbiy ta’lim” fakultetining dekani lavozimida faoliyat yuritgan. 2019-2020 yillarda Avezov Nodirbek Egamberganovich fakultet dekani lavozimida faoliyat olib borgan. 2020 yildan buyon Avazov Erkinjon Sherimmatovich fakultet dekani lavozimida faoliyat yuritmoqda. Telekommunikatsiya texnologiyalari fakulteti mutaxassislar tayyorlashni (ta’lim yo‘nalishi va mutaxassisliklar bo‘yicha) ishlab chiqarishdan ajralmagan holda amalga oshiradi. Fakultet ta’lim, fan va ishlab chiqarish intergatsiyasini kengaytirish va mustahkamlash maqsadida yirik soha korxonalari (O‘zbektelekom AK Xorazm filiali, Telekommunikatsiya transport tarmoqlari 9-son bog‘lamasi, O‘zbektelekom AK O‘zMobayl Xorazm filiali, UzNET) qoshida fakultet kafedralarining filiallari ochilgan. Fakultet optik-tolali, sun’iy yo‘ldoshli, radioreleli va kabelli aloqa tarmoqlar bo‘yicha ishlovchi ma’lumotlar uzatish, raqamli telekommunikatsiya tizimlarini loyihalashtirish, qurish hamda foydalanish uchun mutaxassislarni tayyorlaydi. Fakultetda quyidagi yo‘nalishlarda bakalavr tayyorlab kelinmoqda:
60320400-Kutubxona-axborot faoliyati (faoliyat turlari bo‘yicha);
60610600-Telekommunikatsiya texnologiyalari;
60610600-Dasturiy injiniring;
60611300-Axborot-kommunikatsiya texnologiyalari sohasida kasb ta’limi;
60611400-Pochta aloqasi texnologiyasi.
Fakultetda quyidagi mutaxassisliklarida magistrlar tayyorlab kelinmoqda:
5A335101-Telekommunikatsiya injiniringi (Teleradioeshittirish)
70610601-Telekommunikatsiya injiniringi
70610606-Fotonika va optik aloqa
70610401-Dasturiy injiniring mutaxassisligi bo‘yicha magistratura talabalari tahsil oladi.
Fakultetda talabalar bakalavriat ta’lim yo‘nalishlari bo‘yicha kunduzgi, sirtqi va masofaviy ta’lim shakllari asosida tahsil oladi. Muhammad al-Xorazmiy nomidagi Toshkent axborot texnologiyalari universitetida sirtqi ta’lim 2018-2019 o‘quv yilidan boshlab, O‘zbekiston Respublikasi Prezidentining tegishli qarori bilan tasdiqlangan qabul kvotalariga muvofiq sirtqi ta’lim shaklida hamda ikkinchi va undan keyingi oliy ta’limning sirtqi shakllarida olib boriladi.
Shuningdek, 2019-2020 o‘quv yilidan boshlab, O‘zbekiston Respublikasi ta’lim muassasalariga o‘qishga qabul qilish bo‘yicha Davlat komissiyasining 2019-yil
4-iyuldagi 12-sonli bayoni bilan tasdiqlangan “Iqtisodiyot tarmoqlarida kamida besh yil ish stajiga ega bo‘lgan fuqarolarni respublika oliy ta’lim muassasalarining sirtqi va kechki ta’lim shakliga suxbat natijalariga ko‘ra tabaqalashtirilgan to‘lov-kontrakt asosida o‘qishga qabul qilish tartibi”ga muvofiq, tavsiyanomaga ega fuqarolarni suhbat asosida o‘qishga qabul qilish yo‘lga qo‘yilgan.
Bugungi kunda sirtqi ta’limda quyidagi yo‘nalishlarda kadrlar tayyorlab kelinmoqda:
60320400-Kutubxona-axborot faoliyati (faoliyat turlari bo‘yicha);
60610600-Telekommunikatsiya texnologiyalari;
60610600-Dasturiy injiniring;
60611400-Pochta aloqasi texnologiyasi.
Masofaviy ta’limda quyidagi yo‘nalishlarda kadrlar tayyorlab kelinmoqda:
60320400-Kutubxona-axborot faoliyati (faoliyat turlari bo‘yicha);
60610600-Telekommunikatsiya texnologiyalari;
60610600-Dasturiy injiniring.
Oʻzbekiston Respublikasi Prezidentining 2025-yil 30-apreldagi PQ-160-son qaroriga muvofiq 2025-2026 o‘quv yilidan Telekommunikatsiya texnologiyalari fakulteti Abu Rayhon Beruniy nomidagi Urganch davlat unversiteti tarkibiga o‘tkazildi.
Fakultet talabalari “Bir million dasturchi” loyihasi bo’yicha Respublika g‘olibligida faol qatnashdilar.
Shu bugungacha fakultet talabalari “Shuxrat” medali, “Kelajak bunyodkori” ko‘krak nishoni, jami 2 nafar “Prezident”, 1 nafar “Beruniy”, 2 nafar “Islom Karimov” nomidagi davlat stipendiatlari hamda 26 nafar nomdor va vazirlik stipendiatlarini yetishtirib chiqargan.
Bugungi kunda fakultet bitiruvchilari IT sohasi mutaxassisi sifatida AQSH, Germaniya, Ispaniya, Janubiy Koreya, Rossiya kabi 15 dan ortiq rivojlangan davlatlarning IT kompaniyalarida faoliyat yuritib kelmoqda. Shu bilan birgalikda O‘zbekistonda 100 dan ortiq IT kompaniyalar asoschilari fakultet bitiruvchilari hisoblanadi.
Shu kungacha fakultetning 1000 nafardan ortiq bakalavr va 40 dan ortiq magistr bitiruvchilari Respublika iqtisodiyotining barcha yo‘nalishlarida faoliyat yuritib kelmoqda. Fakultet bitiruvchilarining 90 % dan ortig‘i o‘z mutaxassisligi bo‘yicha faoliyat olib bormoqda.
Fakultet 30 dan ortiq mamlakatlardagi dunyoning nufuzli universitetlari bilan hamkorlik qiladi va memarandumlarga ega. AQSH, Koreya, Yaponiya, Xitoy, Rossiya, Germaniya, Litva, Italiya, Belgiya, Turkiya, Serbiya, Qozog‘iston, Hindiston, Malayziya, Belarusiya kabi davlatlar oliy ta’lim muassasalari bilan hamkorlik o‘rnatgan.
Bundan tashqari fakultet Janubiy Koreyaning KOICA, Yaponiyaning JICA, Hindistonning ITEC, Germaniyanin DAAD, AQSHning Fulbrayt va Yevropa ittifoqining ERASMUS+ kabi dastur va grant loyihalarida ishtirok etib kelmoqda.
Telekommunikatsiya texnologiyalari fakulteti tarkibi Telekommunikatsiya injiniringi kafedrasi, Dasturiy injiniringi kafedrasi, Ma’lumotlar uzatish tarmoqlari va tizimlari kafedralaridan tashkil topgan.
Ma’lumotlar uzatish tarmoqlari va tizimlari kafedrasi
Ma’lumotlar uzatish tarmoqlari va tizimlari kafedrasi 2025-yilning sentyabr oyida Urganch Davlat Universiteti Telekommunikatsiya texnologiyalari fakulteti tarkibida tashkil etilgan. Kafedra mudiri vazifasiga t.f.f.d., PhD, dotsent Matyokubov O‘tkir Karimovich tayinlangan. Kafedra faoliyatining dastlabki davrini 15 nafar malakali professor-o‘qituvchilar bilan boshladi, shundan 3 nafar professor-o‘qituvchi ilmiy daraja va unvonga ega. Shu bilan birgalikda kafedra professor-o‘qituvchilarining 3 nafari (Yuldashov Davronbek Rustam o‘g‘li, Atajonov Furqat Ikromboy o‘g‘li, Matqurbanov To‘lqin Alimboyevich) TOP-500 universitetlar qatoriga kiruvchi Novosibirsk Davlat Texnika Universitetida magistratura va aspiranturani tugatgan bo‘lsa yana 1 nafar professor-o‘qituvchi (Palvanov Shuhrat G'ayrat o‘g‘li) TOP-500 universitetlar qatoriga kiruvchi Klagenfurt universitetini tugatgan. Kafedra professor-o‘qituvchilarining 1 nafari “Oliy ta’lim a’lochisi” ko‘krak nishoni bilan taqdirlangan bo‘lsa, 2 nafari oliy ta’lim, fan va innovatsiyalar vazirligining tashakkurnomasi bilan taqdirlangan. 5 nafar professor-o‘qituvchi IELTS xorijiy til bilish sertifikatiga ega va xorijiy tilda dars mashg’ulotlarini olib borishadi.
Xalaqaro grandlar, xorijiy oliygohlarda malaka oshirish. Kafedra INMACOM (O‘zbekistonda telekommunikatsiya mehnat bozori talablarini qondirish uchun fotonika va optik aloqa yo‘nalishida magistrlar tayyorlash dasturi) dasturi a’zosi hisoblanadi. Ushbu dastur asosida 70610606 – Fotonika va optik aloqa yo‘nalishida magistratura mutaxassisligi ochilib mutaxassislar tayyorlab kelinmoqda. Kafedra a’zolari xorijiy ta’lim grantlari asosida ilmiy izlanishlar olib bordilar, nufuzli oliygohlarda malakalarini oshirganlar. Xususan, 2021 yildan buyon turli xorijiy grantlar doirasida O‘.K.Matyokubov, Sh.H.Ismoilovlar Italiya, Belgiya, Rossiya, Hindiston, Xitoy, Janubiy Koreya davlatlarida va nufuzli oliygoh va markazlarda axborot-kommunikatsion texnologiyalari bo‘yicha malakalarini oshirib keldilar va ta’lim jarayoniga tadbiq qildilar. Shu bilan birgalikda professor-o‘qituvchilarning 1 nafari Avstriyada va 3 nafari Rossiyaning nufuzli universitetlari ta’lim dasturlari asosida malakasini oshirishgan.
Telekommunikatsiya injiniringi kafedrasi
Kafedra Filialning 2013-yil 31-dekabrdagi 382-sonli buyrug‘iga asosan “Tabiiy va umumkasbiy fanlar” kafedrasi negizida tashkil qilindi. 2014 yil 3 fevraldan 2015 yil avgust oyigacha kafedrani t.f.d., professor, Kalandarov Palvan Iskandarovich boshqarib kelgan. Hozirgi kunda kafedra mudiri vazifasida Texnika fanlari bo‘yicha falsafa doktori (PhD) Setmetov Ne'matjon Urunboyevich faoliyat yuritmoqda.
Xozirda kafedrada 11 ta professor-o‘qituvchilar faoliyat olib bormoqda. Professor-o‘qituvchilar: kafedra mudiri Texnika fanlari bo‘yicha falsafa doktori (PhD) Setmetov Ne'matjon Urunboyevich, Dotsent Ismailov Shavkat Ko‘ziyevich, Fan doktori (Doctor of Science) Samandarov Bunyod G‘ayratovich, kafedra katta o‘qituvchilari Masharipov Otaboy Matyoqubovich, Bekimetov Alisher Farxodovich, Yangibayeva Madina Rustamovna, kafedra assistentlari: Saparbayev Raxmon Komiljonovich, Olimov Olimboy Otabekovich, Artikova Gulzoda G‘ulomjonovna, Matyakubov Davlatbek Davronbekovich va stajor-o‘qituvchi Xatamova Mavluda Komiljon qizi faoliyat olib bormoqdalar.
Kafedrada erishilgan yutuqlar:
Kafedra o’qituvchilarining samarali mehnatlari davlatimiz tomonidan munosib taqdirlanishgan. Jumladan, 2017 yilda Sh.Ismailov “O’zbekiston Respublikasi konstitutsiyasiga 25 yil” nishoni bilan, 2014 yilda Mustaqillik bayramining 23 yillik munosabati bilan N.U. Setmetovga “O’z kasbining ustasi” belgisi bilan taqdirlandilar. Shuningdek, kafedra dotsenti E.Sh.Avazov “Oliy ta’lim muassasasining eng yaxshi pedagogi” tanlovi respublika bosqichining Aloqa axborotlashtirish va telekommunikatsiya texnologiyalari ta’lim sohasi bo’yicha 2015 yil uchun “Mutaxassisligi bo’yicha eng yaxshi pedagog” nominatsiyasi g’olibi bo’ldi. Shu bilan bir qatorda doimiy ravishta kafedra professor-o‘qituvchilari tomonidan darslik va o‘quv qo‘llanmalar chop qilinmoqda.
2024-2025 o‘quv yilida talabamiz Sultonmurodova Mashhura “Islom Karimov” nomidagi davlat stipendiyasi sovrindori bo‘ldi.
Hamkorlik loyihalari va grantlar:
ERASMUS+ dasturining 101083224-ERASMUS-EDU-2022-CBHE-LS raqamli INMACOM (Innovative Master’s Program In Photonics And Optical Communications To Meet The Needs Of The Telecommunications Labour Market In Uzbekistan) loyihasida ishtirok etmoqda. Loyiha 2023-2026 yillarda amalga oshirish rejalashtirilgan bo‘lib, loyihaning umumiy qiymati 655 ming yevroni tashkil qiladi. Loyiha asosiy kardinatori Muhammad al-Xorazmiy nomidagi Toshkent axborot texnologiyalari universiteti bo‘lib, asosiy hamkorlar esa Belgiyadan 2 ta universitet, Italiyadan 1 ta universitet va O‘zbekistondan 8 ta universitet va tashkilotlar bilan hamkorlikda amalga oshirilmoqda.
Dasturiy injiniring kafedrasi
“Dasturiy injiniring” kafedrasi 2015-yilda “Kompyuter injiniringi” fakulteti tarkibida tashkil etilgan bo‘lib, o‘z faoliyatining ilk kunlaridan boshlab zamonaviy dasturlash, tizimlar arxitekturasi va kompyuter texnologiyalari bo‘yicha malakali mutaxassislar tayyorlashni o‘z oldiga maqsad qilib qo‘ygan. Kafedra qisqa vaqt ichida ilmiy salohiyat, xalqaro hamkorlik va talabalarning yirik musobaqalardagi muvaffaqiyatlari bilan fakultetning eng faol va yetakchi bo‘linmalaridan biriga aylandi.
2015–2016-yillarda kafedraga Xo‘jayev Otabek rahbarlik qildi. Kafedraning birinchi rahbari sifatida asosiy tashkiliy jarayonlarni yo‘lga qo‘ydi, ta’lim yo‘nalishining dastlabki o‘quv rejalarini shakllantirdi va kafedraning metodik bazasini yaratishga asos soldi.
2015–2019-yillarda kafedraga t.f.n., dotsent Firnafas Yusupov boshchilik qildi. Uning boshchiligida kafedra jadal rivojlandi, ko‘plab talabalar respublika va xalqaro miqyosdagi olimpiada va tanlovlarda muvaffaqiyat qozondi. Mazkur davrda davlat stipendiyalarining bir nechta sovrindorlari yetishib chiqdi. Dasturlash bo‘yicha muntazam tayyorgarlik jarayonlari yo‘lga qo‘yildi.
2019–2021-yillarda kafedraga PhD Dilshod Kuryazov rahbarlik qildi. Bu davrda kafedra xalqaro universitetlar bilan keng ko‘lamli hamkorlikni yo‘lga qo‘ydi. Uning ilmiy salohiyati va tashabbuslari tufayli xorijiy loyihalar bilan aloqalar mustahkamlandi, o‘qituvchilar va talabalar uchun yangi akademik imkoniyatlar yaratildi.
2021–2023-yillarda kafedra San’atbek Masharipov tomonidan boshqarildi. Uning rahbarligi davrida talabalar ICPC dasturlash bo‘yicha Evro–Osiyo finallarida muntazam qatnashib, mamlakat sharafini munosib himoya qildilar. Kafedraning musobaqaviy ruhini mustahkamlash, yangi to‘garaklar va o‘quv jarayonlarini takomillashtirish borasida salmoqli ishlar amalga oshirildi.
2023–2024-yillarda kafedraga PhD Oybek Allamov rahbarlik qildi. U boshchilik qilgan yilda kafedraning xalqaro faoliyati yana-da kengaydi. Erasmus+ KA171 loyihasi doirasida Oldenburg Universiteti bilan talabalar va xodimlar almashinuviga doir grant muvaffaqiyatli qo‘lga kiritildi. Xorijiy hamkorlikning yangi bosqichi boshlab berildi.
2024–2025-yillarda kafedraga Xo‘jamuratov Bekmurod boshchilik qildi. Uning boshqaruvi davomida kafedra ichki intellektual salohiyat va innovatsion faoliyatga e’tibor qaratdi. O‘qituvchilar respublika va xalqaro darajadagi loyihalarda faol ishtirok etishdi, yangicha didaktik yondashuvlar tatbiq qilindi.
2025-yildan hozirgacha kafedra mudiri lavozimida PhD Oybek Allamov rahbarlik qilib kelmoqda. Kafedraga qayta rahbar etib tayinlangan Oybek Allamov tomonidan xalqaro hamkorlik, ilmiy loyihalar va innovatsion ta’lim jarayonlari yana-da chuqurlashtirildi. Bugungi kunda kafedra uning boshchiligida zamonaviy texnologiyalar, raqamli transformatsiya va ilg‘or dasturlash bo‘yicha yetakchi markazlardan biriga aylanmoqda.
2011-yilda kafedra o‘qituvchisi Dilshod Kuryazov Germaniyaning Oldenburg Universitetiga Erasmus Mundus TARGET loyihasi asosida PhD grantini qo‘lga kiritdi. 2019-yil u “Dasturiy injiniring” yo‘nalishi bo‘yicha doktorlik dissertatsiyasini muvaffaqiyatli himoya qildi.
2023–2024-yillarda PhD Oybek Allamov boshchiligida Erasmus+ KA171 dasturi bo‘yicha Oldenburg Universiteti bilan talabalar va xodimlar almashinuviga erishildi. 2024-yilda kafedraning magistrantlari Qodirov Faxriddin va Babajanov Boburbek Oldenburg Universitetida 1 semestr davomida tahsil olib qaytdi. 2025-yilda kafedra o‘qituvchilari Allamov Oybek va Babajanov Boburbek Erasmus+ KA171 teaching mobility dasturi doirasida Oldenburg Universitetida seminar mashg‘ulotlarini o‘tib qaytishdi. Erasmus+ dasturi doirasida talabalar va professor-o‘qituvchilar har yili almashinuvi yo‘lga qo‘yildi.
Kafedra o‘qituvchilari rahbarligida talabalar har yili ICPC xalqaro dasturlash olimpiadasiga muntazam tayyorgarlik ko‘rib keladi. 2022-yil 6–7 dekabr — Qozog‘istonning Almati shahrida o‘tkazilgan ICPC 2022 Evro–Osiyo finalida kafedraning 2 ta jamoasi katta o‘qituvchi Yusupova Janar rahbarligida ishtirok etdi.
2022-yilda Xo‘jamuratov Bekmurod “Smart City Sensor Infrastructure Monitoring System” loyihasida ishtirok etgan. Shuningdek u InnoWeek 2023 doirasida O‘zbekiston Respublikasi Vazirlar Mahkamasi tomonidan “Innovatsion g‘oyalar yetakchisi” ko‘krak nishoniga sazovor bo‘lgan
Yusupova Janar Kamolovna 2023-yil 27-oktabr — “Xududning 100 nafar ixtirochi ayoli” tanlovining “Eng yaxshi EHM uchun dastur va ma’lumotlar bazasi muallifi” nominatsiyasi bo‘yicha shahar bosqichi g‘olibi.
Shuningdek kafedra oqituvchisi t.f.n., dotsent Firnafas Yusupov O’zbekiston Respublikasi Maxpirat nomidagi O’rta Osiyo xalqlari tarixi instituti Turon fanlar akademiyasining “Faxriy akademik” ko’krak nishoni bilan taqdirlandi.
Bazarbayev Murotjon 2022-yilda Moskva MADI universitetining “Barcha yo‘llar MADIga olib boradi” xalqaro intellektual musobaqasida g‘olib bo‘lgan. Natijada u MADI universitetining doktoranturasiga qabul qilingan.
2023-yil 27-aktabr kuni Dasturiy injiniring kafedrasi katta-o'qituvchisi Yusupova Janar Kamolovna O‘zbekiston Respublikasi Oliy Majlisi Senatining Xotin-qizlar va gender tenglik masalalari qo‘mitasi, Oila va xotin-qizlar qo‘mitasi bilan birgalikda o‘tkazilayotgan “Xududning 100 nafar ixtirochi ayoli” tanlovining "Eng yaxshi EHM uchun dastur va ma’lumotlar bazasi muallifi” nominatsiyasi bo'yicha shahar bosqichi g'olibi bo'ldi.
2022-yilda dasturiy injinergi kafedrasi o'qituvchisi Bazarbayev Murotjon Moskva avtomobil va yo'l qurilishi davlat texnika universitetining (MADI) “Barcha yo‘llar MADIga olib boradi” xalqaro intellektual musobaqasida g'olib bo'lgan holda MADI universiteti doktaranti bo’ldi.
Telekommunikatsiya texnologiyalari fakultetida talabalarni ilmiy izlanishlarga hamda Start up loyihalar nomdor stipendiyalarga tayyorlash, professor o‘qituvchilarni Ilmiy salohiyatlarini oshirish uchun yetarlicha shart sharoitlar yaratib berilmoqda
