Hozirgi kunda kafedra qoshida “Onkologiya sohasida psixologik xizmatning ahamiyati” amaliy loyihasi asosida psixologik tadqiqotlar markazi tashkil qilingan boʼlib, unga kafedra PhD., dots. D. Urazboeva rahbarlik qiladi. Ushbu markaz ilmiy izlanuvchilar va talabalar bilan faol ishlab psixologiyaga oid materiallarni to‘plab, izlanishlar yuzasidan muhim tadqiqotlar olib borilmoqda.

Kafedra professor-o‘qituvchilarining ilmiy izlanishlari natijasida kafedra ilmiy salohiyati yanada yuksalmoqda. D. Urazboeva psixologiya fanlari bo‘yicha falsafa doktori (PhD) va Ch.Sobirova pedagogika fanlari bo‘yicha falsafa doktori (PhD) ilmiy darajasini olish uchun dissertatsiyalarini muvaffaqiyatli himoya qilishga erishdilar.