O‘zbek tiliga davlat tili maqomi berilganligining 34 yilligi munosabati bilan bugun, 21-oktabr kuni Ogahiy nomidagi Xorazm viloyat musiqali drama teatrida Xorazm viloyat hokimligi tashabbusi bilan bayram tadbiri bo'lib o'tdi.

Ushbu tantanali tadbirda UrDU O'zbek filologiyasi fakultetining bir qator professor-o'qituvchilari, jumladan, f.f.d., professor Z.Do'simov, f.f.d., professor D.G'ayipov, f.f.n., dotsent A.Primov, f.f.d., professor A.O'razboyevlar o'zbek tilini rivojlantirishga qo'shgan hissalari uchun Xorazm viloyati hokimi Jo'rabek Rahimov tashakkurnomasi va esdalik sovg'alari bilan taqdirlandilar.

Ustozlarimizni ushbu e'tirof bilan qutlab, tilimiz rivoji yo'lidagi xizmatlari doimo samarali bo'lishini tilaymiz!