UrDU O'zbek filologiyasi fakulteti O'zbek tilshunosligi kafedrasi o'qituvchilari Dilbarjon Allaberganova va Farog'at Otajonovalar Xorazm teleradiokompaniyasining "Til – millat ko'zgusi" nomli radioeshittirishida o'zlarining o'zbek tiliga doir qarashlari bilan chiqish qildilar. 

Radioeshittirish davomida tilning tarixiy ildizlari, o'zbek tilining sofligini o'zida aks ettiruvchi manbalar,  bugungi kunda o'zbek tilining rivojlanishi yo'lida amalga oshirilayotgan harakatlar yuzasidan fikr-mulohazalar bildirildi. Eshittirish yakunida o'zbek milliy tilida xalqning o'zligi, tabiati, saviyasi, tafakkur tarzi o'z tajassumini topishi qayd qilindi.