UrDU O'zbek filologiyasi fakulteti O'zbek tilshunosligi kafedrasida "O'zbek tilshunosligining dolzarb muammolari" nomli ilmiy-nazariy hamda "Tilshunoslik fanlarini o'qitish samaradorligini oshirish yo'llari" nomli ilmiy-uslubiy seminar bo'lib o'tdi. Seminar O'zbekiston Respublikasi Davlat madhiyasi bilan boshlandi.

Ilmiy-nazariy seminar yig'ilishida dotsent Q.Olloyorovning "Xorazm dostonlaridagi atoqli otlarning nomlanish tamoyillari xususida", magistrant D.Rajabovning "Muqaddimat ul-adab asaridagi qarindoshlik nomlari" mavzusida, ilmiy-uslubiy seminar yig'ilishida kafedra o'qituvchisi F.Otajonovaning "O'zbek tilining leksik qatlamlari mavzusini o'rgatishda "Keys study" metodidan foydalanish usulari", tayanch doktorant D.Qobulovaning "Mintaqaviy ayol ismlari leksik asoslarining nomlanishida o'xshatish tamoyillarining ahamiyati" mavzularida
ma'ruzalari tinglandi.