Urganch davlat universiteti “Kompleks analiz, geometriya va dinamika” mavzusidagi xalqaro maktabga mezbonlik qilmoqda

2021-yil 25-oktabr kuni  Urganch davlat universitetida  Xalqaro nazariy va amaliy matematika markazi   (CIMPA - Centre International de Mathématiques Pures et Appliquées) va  Xalqaro matematiklar uyushmasi   (CDC- Commission for Developing Countries, IMU-International Mathematical Union), Xorazm Ma’mun Akademiyasi, O’zbekiston Milliy universiteti bilan hamkorlikda “Kompleks analiz, geometriya va dinamika” mavzusidagi xalqaro  maktab (CIMPA school) aralash shaklda (online hamda oflayn) o’z ish faoliyatini boshladi.  Bugun akademik  A. Sa’dullayev, Prof. Judith Brinkschulte, prof. Eleonora Di Nezzalarning ma’ruzalari eshitildi. Ushbu maktab ma’ruzalarida respublikamizdagi Kompleks analiz, geometriya va differensial tenglamalar sohasining yetuk mutaxassislaridan prof. A. Xasanov,  prof.  A. Artikbayev, prof. R. Ashurov, prof. I.Ikromovlar va  respublika hamda xorijiy universitetlarning 70 nafardan ortiq  iqtidorli  talaba, magistrant, doktorantlari  ishtirok etmoqda. 
Bu maktab 2021-yil 25-oktabrdan 6-noyabr kuniga qadar davom qiladi. Mazkur maktab haqidagi batafsil ma’lumotni ushbu saytdan olishingiz mumkin: http://cimpa.urdu.uz/home