Talabalarimiz sayohatda

Shu yilning 21-23 aprel kunlari xorazmlik nogironligi bo’lgan yoshlar uchun Yoshlar ishlari agentligi tomonidan bepul sayohatlar tashkil etildi. 50 nafar yoshlarimiz 2 kun davomida Samarqand viloyatining eng yaxshi diqqatga sazovor joylar va ziyoratgohlarida bo’lishdi. Ularning 33 nafari Urganch davlat universiteti talabalaridir.

Bilamizki, Samarqandning madaniy merosi juda katta.  Talabalarimiz Hazrati Dovud, Hazrati Doniyor ziyoratgohlari, qadimiy Samarqand shahrining rasmiy markazi Registon maydoni,  qadimgi davrning eng go‘zal tarixiy obidalaridan biri – Shohi Zinda yodgorligi, Samarqand shahridagi “Buyuk ipak yo‘li” xalqaro turizm markazi kabi ko‘plab tarixiy obidalar bilan yaqindan tanishdilar.