“Yashil makon” umummilliy loyihasi jamoani bir maqsadda birlashtirmoqda

Xabaringiz bor, joriy yilning 25-oktabridan boshlab respublikamiz boʻylab "Yashil makon" umummilliy loyihasi doirasida kuzgi koʻchat ekish mavsumiga start berildi.

Urganch davlat universiteti hududida ham ushbu loyiha asosida keng koʻlamli ishlar olib borilmoqda. 

Oltin kuz oʻz tarovatini oliygohimiz ichra boʻy koʻrsatayotgan bir pallada universitet atrofiga ekilayotgan turli koʻp yillik dekorativ gul va daraxtlar hududga yanada goʻzal manzara baxsh etmoqda.

Aytish joizki, ushbu mavsumda universitetimiz hududiga 2 500 tup turli manzarali daraxt va gullar ekilishi rejalashtirilgan. 

Koʻkalamzorlashtirish va obodonlashtirish ishlari 1-dekabrga qadar izchil davom ettiriladi.