O'zbek tili va adabiyoti kafedrasida "O'zbek adabiyotini o'qitishning dolzarb muammolari" nomli ilmiy-uslubiy hamda "Adabiyotshunoslikning dolzarb muammolari" nomli ilmiy-nazariy seminar bo'lib o'tdi

Joriy yilning 13-fevral kuni Urganch davlat universiteti O'zbek filologiyasi fakulteti O'zbek tili va adabiyoti kafedrasida "O'zbek adabiyotini o'qitishning dolzarb muammolari" nomli ilmiy-uslubiy hamda "Adabiyotshunoslikning dolzarb muammolari" nomli ilmiy-nazariy seminar bo'lib o'tdi.

Seminar yig'ilishida dotsent S.Matkarimova "Alisher Navoiy asarlarini o'qitishda nostandart testlardan foydalanish", kafedra magistranti Z.Egamberganova "Alisher Navoiy asarlarida oddiy va iqtibos fardlar" mavzusida o'z ma'ruzalarini bayon qilishdi. Yig'ilishda O'zbek tili va adabiyoti kafedrasining professor-o'qituvchilari hamda tadqiqotchilari faol qatnashdi va mavzu yuzasidan fikr-mulohazalar bildirildi.