RUS XALQINING MILLIY BAYRAMI – “MASLENITSA” KENG NISHONLANMOQDA

Maslenitsa- bu rus xalqining milliy bayrami bo’lib, u qish va bahor fasllari uchrashuvining bir hafta davomida nishonlanishidir. Maslenitsa-ro‘za tutishga tayyorgarlik haftasidir.

Ushbu bayram munosabati bilan bugun, 15-mart kuni Urganch davlat universiteti O’zbek filologiyasi fakultetida Filologiya va tillarni oʻqitish: rus ta’lim yo’nalishi talabalari tomonidan “Maslenitsa” bayrami keng nishonlanmoqda. 

Erta tongdan fakultet fayesida yuqori saviyada tashkil etilgan koʻrgazmada rus xalqining boy milliy madaniyati, o’ziga xos urf-odatlari, milliy taomlari rang-barang tarzda aks ettirildi.

Barchaga birdek ko’tarinki kayfiyat baxsh etgan bayram koʻrgazmasi nafaqat fakultet balki, universitet rahbariyati, professor-oʻqituvchilari va koʻp sonli talaba-yoshlarining eʼtiborini jalb etdi.