Xalqaro hamkorlik

Bugun Ozarbayjon Respublikasi Milliy Ilmlar akademiyasi Nizomiy Ganjaviy nomidagi Adabiyot institutida "O'zbek va ozarbayjon filologiyasining dolzarb masalalari" mavzusida xalqaro ilmiy-amaliy anjumanning ochilishi bo'lib o'tdi.

Ushbu xalqaro ilmiy-amaliy anjumanda Urganch davlat universiteti Ilmiy ishlar va innovatsiyalar bo'yicha prorektori Z.Ibragimov boshchiligida O'zbek filologiyasi fakulteti professor-o'qituvchilari va talabalari Zoom platformasi orqali ishtirok etishdi.
Yalpi majlisni Ozarbayjon Respublikasi Milliy Ilmlar akademiyasi prezidenti Isa Habibbeli hamda UrDU prorektori Z.Ibragimov kirish so'z bilan ochib berdi.

Ayni paytda mazkur xalqaro anjumanda ishtirok etish uchun Ozarbayjonda xizmat safarida boʻlib turgan Oʻzbek filologiyasi fakulteti dekani D.Gʻayipov boshchiligida bir guruh professor-oʻqituvchilar oʻz maʼruzalari bilan ishtirok etmoqdalar.

Konferensiya maʼruzalari ertaga ham davom etadi.