Qori Niyoziy nomidagi O‘zbekiston pedagogika fanlari ilmiy tadqiqot instituti direktori Xolboy Ibraimov universitetning yangi barpo etilgan 5-o’quv binosida bo’ldi

Universitet talabalari bilan bo’lib o’tgan uchrashuvdan so’ng, akademik X.Ibraimov O’quv ishlari bo’yicha prorektor S.Xodjaniyozov hamrohligida universitetning 5-o’quv binosida bo’lib, u yerda talabalar uchun yaratilgan sharoitlar bilan tanishdi va o’quv xonalari, maʼruza zallari, talabalarning dam olish joylari va akademiklar uchun ajratilgan xonalarni borib ko'rdi.

Akademik dars jarayonlarida ham ishtirok etib, talabalar bilan suhbat olib bordi va ularga ilm olish, yaratilgan sharoitlardan unumli foydalangan holda Vatanga xizmat qiladigan komil inson bo’lib yetishish borasida o’z tavsiyalarini berdi. Shuningdek, universitetda tashkil etilgan Akademik mobillikni muvofiqlash va talabalar bilan ishlash bo'limi: Registratsion ofis faoliyati bilan yaqindan tanishdi.