Seminar-trening

2025-yil 8-fevral kuni Urgench davlat universiteti Ingliz tili va adabiyoti kafedrasida professor-o'qituvchilar ishtirokidagi seminar-trening tashkil etildi.Ushbu seminar-treningda Ingliz tili va adabiyoti kafedrasi mudiri R.X. Abidova va kafedra o'qituvchilari Feruza Masharipova hamda Ugiljon  Ahmedova 9-11 yanvar kunlari O‘zbekiston davlat jahon tillari universitetida Britaniya Kengashi va Angliyaning Norvich (NILE) universiteti bilan hamkorlikda tashkil etilgan “O‘rta Osiyo mamlakatlari oliygohlarida ingliz tilini o‘qitishda Refleksiya tajribasi” loyihasi asosidagi tajribalari bilan o‘rtoqlashdilar. Seminar trening ilg‘or pedagogik texnologiyalarni amaliyotga tatbiq etish va o‘quv jarayonining natijadorligini oshirishda muhim ahamiyatga ega bo'lib, universitet professor-o‘qituvchilarining kasbiy malakalarini yanada oshirishga xizmat qiladi.