Inson huquqlari - kelajak bunyodkori!

2021-yil 26-27 aprel kunlari Inson huquqlari bo‘yicha O‘zbekiston Respublikasi Milliy markazi “Ta’lim va ma’rifat” bo‘limi boshlig‘i, y.f.d., dots. Hayitboyev Farhod Polvonovich Xorazm viloyatiga tashrif buyurib, viloyatdagi OTMlar, UrDU Akademik litseyi hamda UrDU huzuridagi Xiva qishloq xo‘jalik texnikumi professor-o‘qituvchilari va talaba-yoshlari o‘rtasida O‘zbekiston Respublikasi Prezidentining 2020-yil 22-iyundagi “Inson huquqlari bo‘yicha O‘zbekiston Respublikasining Milliy strategiyasini tasdiqlash to‘g‘risida”gi PF-6012-sonli Farmoni hamda unga ilova qilingan “Yo‘l xaritasi”ning 68-bandida belgilangan vazifalarni to‘liq  va samarali amalga oshirish maqsadida “Inson huquqlari”, “Ayollar huquqlari” va  “Bola huquqlari”  fanlarini o‘qitilishi sifatini monitoring qilish ishlari amalga oshirildi.

Ushbu jarayonda universitet professor-o`qituvchilari va talabalari Milliy markaz mutaxassislari tomonidan tuzilgan so`rovnomaga o`z fikrlarini bildirdirish bilan birgalikda  inson huquqlari, ularning davlatimiz tomonidan ta’minlanishi borasida muhim ma’lumotlar oldilar hamda o‘z taklif va istaklarini bildirdilar.

Urganch davlat universiteti qoshidagi  Akademik litseyi o`qituvchilari va o`quvchilari bilan  Inson huquqlari bo`yicha uchrashuv o`tkazildi, bu borada respublikamizda olib borilayotgan ishlar va uchrashuv ishtirokchilarini qiziqtirgan savollarga y.f.d., dots. Hayitboyev Farhod Polvonovich  barafsil javob berdilar, uchrasuv oxirida ishtirokchilar orasida so`rovnona o`tkazildi. Shuningdek, tashrif davomida Inson huquqlari bo‘yicha O‘zbekiston Respublikasi Milliy markazi tomonidan 16 nomdagi 52 nusxa kitoblarni y.f.d., dots. F.Hayitboyev Urganch davlat universiteti Axborot-resurs markazi fondiga beg`araz yordam sifatida hadya qilingan kitoblarni topshirdi, bu esa universitetimizning ko‘p sonli talaba-yoshlarini ushbu soha bo‘yicha bilimlarini yanada oshirishga xizmat qilishi muqarrar.