Xitoy Xalq Respublikasining Gansu qishloq xoʻjaligi universiteti bilan Urganch davlat universiteti oʻrtasida 2023-yil noyabr oyida imzolangan anglashuv memorandumiga binoan, 2024-yilning 2-8 noyabr kunlari talabalar almashinuvining "Language teaching school" loyihasi doirasida Gansu qishloq xoʻjaligi universitetining 17 nafar magistr talabalari oʻqituvchilari Xu Peng hamda Ma Xiaojie boshchiligida  Urganch davlat universitetida bilim va malaka oshirishmoqda. 

Xitoylik talabalarga Xorijiy filologiya fakulteti Ingliz tili va adabiyoti kafedrasining salohiyatli professor-oʻqituvchilari ingliz tilini ikkinchi til sifatida oʻqitish borasida oʻz bilim, mahorati va tajribalarini oʻrgatishmoqda. 

Xitoylik talabalar Urganch davlat universiteti bilan yaqindan tanishib olgach, dars mashgʻulotlarini boshlab yuborishdi. 

Seminar mashgʻulotlaridan tashqari, Xorazm viloyatining turistik maskanlariga sayohat ham loyiha dasturidan joy olgan.