Janubiy Koreyaning Soonchunhyang universiteti bilan talabalar almashinuvi amalga oshirilmoqda

Urganch davlat universiteti hamda Janubiy Koreyaning Soonchunhyang universiteti oʻrtasidagi hamkorlik doirasida talabalarning akademik almashinuvini amalga oshirish yuzasidan shu yilning 17-19 may kunlari gapirish, tinglash, eshitish va yozish koʻnikmalari boʻyicha tanlov boʻlib oʻtdi.

Unda Xorijiy filologiya fakultetining Xorijiy til va adabiyoti yoʻnalishi  3-kurs talabasi Maftuna Sharipova hamda 2-kurs talabasi Kim Mariya  grant sohibasi boʻlishdi. Endilikda talabalarimiz bir semester davomida Soonchunhyang universitetida oʻqish imkoniyatiga ega boʻldilar.

Bugun UrDU rektori B.Abdullayev ushbu talabalar bilan uchrashib, Soonchunhyang universitetida oʻqishlari jarayonida muvaffaqiyat tilab, oʻzining tavsiyalarini berdi.