Ургенчский Государственный Университет

URGANCH DAVLAT UNIVERSITETI REKTORINING MAKTABLARGA TASHRIFI DAVOM ETMOQDA

Joriy yilning 26-mart kuni Urganch davlat universiteti rektori B.Abdullayev Jismoniy madaniyat fakulteti dekani S.Ko`palov hamrohligida navbatdagi Tuproqqal`a tumanida joylashgan 6-maktabga tashrif buyurdi. Tashrif chog'ida maktablarning bitiruvchi o'quvchilari va ularning ota-onalari bilan uchrashuv o'tkazdi. Uchrashuvda bugungi kunda oliy ta'lim va maktab o'rtasidagi hamkorlik aloqalari, yoshlarga yaratilayotgan imkoniyat va sharoitlar haqida so'z bordi.

Umumta’lim maktablarining 11-sinfida ta’lim olayotgan hamda matematika va fizika fanlarini chuqur bilgan, ammo ota-onasining biridan ayrilgan ehtiyojmand qizlarni “mahallabay” aniqlash maqsadidagi ushbu tashrifda qizlarni OTM larga bepul tayyorlash, o‘qishga kirishlariga yordam va imtiyoz berish masalalari muhokama qilindi. Hozirda talaba bo‘lish baxtiga muyassar bo‘lgan 50 nafar talaba qizni ya’ni boquvchisini yo‘qotgan oila farzandlarini to‘lov kontraktlarini bo‘lab berishini universitet o‘z zimmasiga olishi universitet rektori tomonidan alohida ta’kidlandi.

Uchrashuv davomida bitiruvchi o'quvchilar va ota-onalar o'zlarini qiziqtirgan barcha savollariga javoblar olishdi.

Новости