Urganch davlat universitetida yoshlarni sogʻlom turmush tarzini taʼminlash, sportga keng jalb qilish, ularni boʻsh vaqtlarini mazmunli tashkil etish maqsadida 5 ta sport turi: shashka, shaxmat, badminton, stol tennis va voleybol boʻyicha “Rektor kubogi” musobaqalari start oldi. 

Dastlab musobaqalarning tantanali ochilish marosimi tashkil etilib, unda UrDU birinchi prorektori D.Ibadullayev, rektor maslahatchisi R.Sharipov va “Sport klub” raisi oʻrinbosari M.Rahimovlar soʻzga chiqdi va talaba-yoshlarga baxslarda omad tiladilar.

Shundan soʻng, barcha fakultet talabalari ishtirokida musobaqa jarayonlari boshlandi.