Urganch Davlat Universiteti

Urganch Davlat Universiteti

Ishonch
telefon raqami
Dars
jadvali
Imtihon video
kuzatuvi
Rektor virtual
qabulxonasi
Bo`sh ish
o`rinlari

Urganch davlat universitetida "Madaniyatlararo muloqot: tilshunoslik, adabiyotshunoslik, folklorshunoslik va tarjimashunoslikning dolzarb masalalari" mavzusida respublika ilmiy-amaliy anjuman bo`lib o`tdi

O‘zbekiston Respublikasi Prezidentining “O‘zbekiston Respublikasida xorijiy tillarni o‘rganishni ommalashtirish faoliyatini sifat jihatidan yangi bosqichga olib chiqish chora-tadbirlari to‘gʻrisida”gi PQ-5117-sonli qarori ijrosini taʼminlash maqsadida O`zbekiston Respublikasi Vazirlar Mahkamasi huzuridagi Xorijiy tillarni o`rganishni ommalashtirish agentligi, Urganch davlat universiteti hamda Xorazm Ma`mun akademiyasi hamkorligida joriy yilning 9-iyun kuni "Madaniyatlararo muloqot: tilshunoslik, adabiyotshunoslik, folklorshunoslik va tarjimashunoslikning dolzarb masalalari" mavzusida respublika ilmiy-amaliy anjumani o`tkazildi.

Urganch Davlat Universiteti "Madaniyatlararo muloqot: tilshunoslik, adabiyotshunoslik, folklorshunoslik va tarjimashunoslikning dolzarb masalalari"

Ikki kunlik ushbu anjuman Xorijiy filologiya fakulteti tashkilotchiligida o`tkazilib, anjumanning ilk kuni UrDU Madaniyat saroyida bo`lib o`tdi. Unda universitet professor-o`qituvchilari, Xorijiy tillarni o`rganishni ommalashtirish agentligi vakillari va nufuzli xorijiy universitetlarning professorlari jumladan, Dr.R.Gargesh, M.A.Kaboodvand, J.Stanford, S.Khojayeva, N.Isamuhamedovalar ishtirok etdilar. Anjumanga Xorijiy filologiya fakulteti Ingliz tili va adabiyoti kafedrasi mudiri, prof.J.Ermetova moderatorlik qildi.

Anjumani UrDU rektori Bahrom Abdullayev ochib berib, anjuman ishiga rivoj tiladi.

Shundan so`ng, kun tartibidagi masalalar yuzasidan Xorijiy tillarni o`rganishni ommalashtirish agentligi vakillari S.Obidov hamda A.Husanov, O`zbekiston Jahon tillari universiteti professori M.T.Irisqulov, UrDU Xorijiy filologiya fakulteti dekani Z.Jumaniyozov, shuningdek, Zoom platformasi orqali nufuzli xorijiy universitetlarning professor-o`qituvchilari so`zga chiqib, oliy ta`lim tizimida xorijiy tillarni samaradorligini oshirish, ta’lim oluvchilarning chet tilida fikr yuritish, erkin nutqni amalga oshira olish qobiliyatlarini rivojlantirish, intellektual faoliyatini shakllantirish, talabalarga chet tilidan sifatli ta’lim bera olish, ularda xorijiy tildagi og’zaki muloqotda ishtirok etish ko’nikmasini shakllantirish kabi dolzarb masalalar yuzasidan so`zga chiqdilar.

Anjuman o`z ishini ertaga 10-iyun kuni Xorazm Ma`mun akademiyasida davom ettiradi.

Ulashish: