Ijodiy imtihonlar. Xabaringiz bor, Urganch davlat universitetida 2021-2022-o‘quv yili uchun kasbiy (ijodiy) imtihonlar topshirish jarayoni bo‘lib o‘tmoqda

2021-2022-o‘quv yilida Urganch davlat universitetiga o‘qishga kirish uchun kasbiy (ijodiy) imtihonlari mavjud bo`lgan 13 ta bakalavriat ta’lim yo‘nalishlarining kunduzgi va sirtqi ta`lim shakliga jami 2246 nafar abituriyentlar hujjati ro‘yxatdan o‘tkazilgan. 

✅  Ijodiy imtihonlarni adolatli va haqqoniy o‘tishini ta’minlash maqsadida imtihon oluvchi komissiya a’zolari  respublikamizning turli hududlaridan taklif etilgan. Ko‘p yillik tajribaga ega san’at arboblari jamoasi odilona imtihon jarayonini baholab borishmoqda.

✅ Qolaversa, imtihon jarayonlarini jamoatchilik  nazoratida bo`lib, deputatlar, maktab o`qituvchilari hamda jurnalist va blogerlar bevosita  kuzatib, adolatli va shaffof o`tkazilayotganini guvohi bo`lishmoqda.

✅  Ijodiy imtihonlar o‘tkazilayotgan har bir xonalarga maxsus kuzatuv kameralar o‘rnatilgan (http://cam.urdu.uz/). Shuningdek, har bir xonalarda kechayotgan imtihon jarayonlari videokameralar orqali yozib olinmoqda va zarur bo‘lgan holatda ushbu video tasvirlarni ko‘rish imkoni mavjud.
✅ Imtihon natijalari uzluksiz ravishda universitet rasmiy veb-sayti (https://urdu.uz/en/site/active?id=140) hamda telegram tarmog`ida (https://t.me/URDU_PRESSA/8548) e`lon qilinib bormoqda.
✅  Eng asosiysi ijodiy imtihonlarni o‘tkazishda karantin qoidalariga qat’iy ravishda amal qilinmoqda.
✅    Universitet rektori B.Abdullayev  hamda  ma’sullar imtihon jarayonini doimiy nazoratga olishgan.
✅   Kasbiy (ijodiy) imtihonlar 6-avgustga qadar o`tkaziladi!