Navbatdagi uchrashuv: Fizika - matematika fakulteti

Bugun, 6-yanvar kuni UrDU rektori B.Abdullayev Fizika-matematika fakulteti jamoasi bilan uchrashdi. Uchrashuvda oʻtgan 2022-yil fakultet misolida sarhisob qilinib, kelgusi yil uchun rejalar belgilab olindi. Xususan, fakultet ilmiy salohiyati, eski yilda qilingan himoyalar soni tahlil qilindi, kafedra aʼzolari tomonidan nashr etilgan ilmiy ishlar muhokama etilib, ilmiy salohiyatni oshirish masalasi kun tartibiga qo'yildi. Til oʻrganish lozimligi alohida ta'kidlandi.

Maʼlumot oʻrnida, hozirda Fizika-matematika fakultetida 5 ta kafedra va ularda asosiy shtatda jami 77 nafar professor-oʼqituvchilar faoliyat yuritmoqda. Fakultet ilmiy salohiyati  36% ni tashkil etadi. Soʼnggi ikki yilda 9 nafar falsafa doktori (PhD) ilmiy darajasini olish uchun himoyalar qilingan.