Filologiya fakultetida 1-oktabr "Xalqaro qizlar kuni" munosabati bilan Filologiya fakulteti "Qizlarjon" klubi tomonidan "Qo'li gul qizlar" nomli ijodiy ishlar tanlovi tashkillashtirildi. Filologiya fakulteti Xotin-qizlar masalalari bo'yicha dekan maslahatchisi B.Rahimova, Filologiya fakulteti Xotin- qizlar maslahat kengashi aʼzosi D. Jumaniyozova boshchiligida "Qizlarjon" va "Orasta qizlar" klubi yetakchilari tomonidan tashkil qilingan ushbu tanlovda talaba-qizlar qiziqishlaridan kelib chiqqan holda turli yo'nalishlarda o'zlari tayyorlagan ijodiy ishlari bilan qatnashdilar. Eng yaxshi deb topilgan ishlar munosib taqdirlandilar. Talaba-qizlarimiz nafaqat bilim olishda, balki boshqa sohalarda ham alohida iste'dodli ekanliklarini yana bir bor namoyish qildilar.