11-oktabr "Xalqaro qizlar kuni" munosabati bilan tadbirlarimiz davom qilmoqda. 2022-yil 14-oktabr kuni Filologiya fakulteti Xotin-qizlar maslahat kengashi, "Qizlarjon" va "Orasta qizlar" klublari tomonidan "Qiz bola bo'lg'usi oila bekasi–ertamiz egasi" forumi doirasida Urganch davlat universiteti Filologiya fakulteti Axborot resurs markazida "Kitob o'qish oiladan boshlanadi" "Kitobxon qiz" aksiyasi o'tkazildi. Ushbu aksiyada Filologiya fakulteti Xotin-qizlar maslahat kengashi hamda  fakultet talaba-qizlari universitet hududida aksiya qog'ozlarini tarqatib, talaba-yoshlarga kitobxonlikning ahamiyati, "Kitobxon qiz kelajak avlodni tarbiyalashi, ular tarbiyalagan avlodning bilim salohiyati yuksak bo'lishi haqida alohida tushuntirishlar olib borildi. Aksiyamiz doirasida ularga qiziqarli savollar berilib, to'g'ri javob bergan barcha talabalarga kitoblar sovg'a qilindi.