Joriy yilning 24-fevral kuni UrDU Filologiya fakulteti O'zbek tili va adabiyoti kafedrasi o'qituvchisi M.Otamuratova 206-guruh talabalariga Matnshunoslik fanidan ochiq dars o'tkazdi.

Ochiq dars "Yozuv madaniyatining takomili va taraqqiyot bosqichlari" mavzusida noan'anaviy tarzda bo'lib o'tdi. Dars jarayonida talabalar zamonaviy pedogogik texnologiyalardan foydalangan holda faol ishtirok etdilar hamda mavzuni chuqur o'zlashtirdilar. Shuningdek, talabalar dars davomida yozuv turlari haqida qiziqarli maʼlumotlarga ega boʻldilar. Darsda kuzatuvchi sifatida Oʻzbek tili va adabiyoti kafedrasi dotsenti M.Pirnazarova, PhD S.Atajanov, Oʻzbek tilshunosligi kafedrasi oʻqituvchisi Sh.Aqmanovalar ishtirok etishdi. Dars yakunida kuzatuvchi o'qituvchilar o'z fikr-mulohazalarini bildirib o'tdilar.