Urganch davlat universiteti talabasi “Osh chempionati”da 1-oʻrinni qoʼlga kiritdi

Bugun O'zbekiston Respublikasi Davlat bayrogʻi qabul qilinganligining 32 yilligi munosabati bilan Xorazm viloyati hokimligi tashabbusi bilan “Ulli hovli” majmuasida "Osh chempionati" boʻlib oʻtdi.  Chempionatda viloyatimizning barcha tumanlari va oliy taʼlim muassasalaridan jamoalar ishtirok etishdi.  

Ular qatorida Urganch davlat universiteti ham munosib ishtirok etdi va  Kimyoviy texnologiyalar fakulteti 1-bosqich talabasi Odilbekov Jahongir faxrli 1-o‘rinni egalladi. 

Gʼolib talabamizni va Kimyoviy texnologiyalar fakulteti jamoasini ushbu yutuq bilan qizgʼin qutlaymiz!