Shu yil 4-yanvar kuni 9.00 da Filologiya fakultetida Oʻzbek tilshunosligi kafedrasi doktoranti, f.f.n. Doniyor Tohirovich Yoʻldoshevning "Atoqli otlarning antroposentrik tadqiqi" mavzusidagi doktorlik dissertatsiyasining dastlabki ekspertizasi oʻtkazildi. Ushbu tadbirda Oʻzbek tilshunosligi kafedrasining professor-oʻqituvchi, doktorant, mustaqil izlanuvchi va magistrantlari, shuningdek, boshqa fakultetlardan tashrif buyurgan qiziquvchilar ham qatnashdi. Ushbu muhokama qiziqarli tarzda, savol-javob va munozaralarga boy holda boʻlib oʻtdi. Tadqiqot ishi ijobiy baholanib, dissertantga ishni keyingi bosqichga - ixtisoslashgan kengash va uning qoshidagi ilmiy-nazariy seminarga topshirish uchun tavsiya etildi.