13-fevral kuni soat 10:30da Filologiya fakulteti binosidagi 1-ma'ruzalar zalida mustaqil tadqiqotchi Mahmudov Raufjon Bahodirovichning filologiya fanlari bo'yicha falsafa doktori (Phd) ilmiy darajasini olish uchun yozgan "O'zbek tilida avestizmlar" mavzusidagi dissertatsiyasining dastlabki ekspertizasi bo'lib o'tdi. Muhokamada "O'zbek tilshunosligi" kafedrasining professor-o'qituvchi,  doktorant, mustaqil izlanuvchi va magistrantlari, shu bilan birga, boshqa fakultetlardan kelgan qiziquvchilar ham ishtirok etdi. Muhokama bahs-munozaralarga va zalvorli fikrlarga boy tarzda o'tdi. Tadqiqot ijobiy baholanib, dissertantga ishni keyingi bosqichga, ya'ni ixtisoslashgan kengash va uning qoshidagi ilmiy-nazariy seminarga topshirish uchun tavsiya etildi.