2019 йил 16 ноябр куни Урганч шаҳар “Истиқлол” маданият марказида “Оролнинг олдинги ҳолати ва вақтнинг шафқатсиз таъсири” мавзусида давра суҳбати бўлиб ўтди. Тадбир доирасида рассомчилик танлови, болалар мусиқа ва санъат мактаблари ўқувчилари томонидан “Менинг оролим” мавзусида чизилган расмлар кўргазмаси ташкил этиди. Тадбирда Орол муаммоси, унинг олдинги ва ҳозирги ҳолати, қуриб бораётган денгизнинг атроф-муҳитга таъсири, Оролни сақлаб қолиш ва минтақадаги экологик ҳолатни яхшилаш бўйича ҳозирда амалга оширилаётган ишлар тўғрисида йиғилганларга маълумотлар берилди. Тадбир иштирокчиларига мавзуга доир видеороликлар намойиш этилди. Тадбирга йиғилганлар ўзларини қизиқтирган саволларга мутахассисдан жавоб олдилар. Табирда Хоразм вилояти Маданият бошқармаси мутахассислари, Урганч давлат Университетининг экология кафедрасининг профессор ўқитувилари, бошқарма тасарруфидаги муассаса ва ташкилотлар ҳодимлари, ўқувчилар ҳамда фаҳрий устозлар иштирок этдилар. “Менинг оролим” мавзусидаги туркум тадбирлар вилоят бўйлаб давом этмоқда.