2021-yil 16-aprel kuni San`atshunoslik fakulteti Texnologik ta’limi yoʻnalishining 1-kurs talabalari ishtirokida  Urganch davlat universiteti Xotin-qizlar kengashi raisi Sh.Nurullayeva  va  Urganch shahar “Ma’rifatchi mahallasi”  Fuqarolar yig`ini raisi yordamchisi Sh. Jumanyozova,  Qaynonalar kengashi a’zosi B.Shomurodova bilan uchrashuv o‘tkazildi. Uchrashuvda  talaba  yigit-qizlarning  kiyinish madaniyati, muloqot madaniyati, jamoat joylarida o‘zlarini tutishi, namunali xulq egasi bo‘lishlari, sharqona odob-axloq haqida, shuningdek,  shaxslararo  munosabatlar, erta turmush qurish va uning  salbiy oqibatlari to‘g‘risida so`z bordi.