Bugungi kunda butun insoniyat hayotiga xavf solayotgan COVID-19 (koronavirus) dunyo bo’ylab minglab insonlar naqadar jonli va gavjum bo’lgan, san’at asarlari makoni hisoblangan Italiya, rivojlanish va texnika vatani bo’lmish Xitoy va Koreya, millionlab odamlar borishni orzu qiladigan afsonaviy New Yorkning to’lib- toshgan ko’chalarini ham bir kunda jimjit va sokin, faqat derazadan boqqan dardli nigohlar va iltijolarga mahkum qilib qo’ydi. Bunday tahlikali va qiyin vaziyatda chet ellik talabalar uchun qo’lidan kelgancha harakat qilib, kerakli oziq-ovqat mahsulotlari bilan ta’minlashni shu bilan bir qatorda, ularning sog’ligidan doimo xabardor bo’lish uchun hamshira va shifokorlar ta’yinlangani, talabalarning bo’sh vaqtlarini mazmunli tashkil etish maqsadida talabalar turar joylarida yuqori tezlikdagi internet shuningdek, jahon adabiyotining eng nodir namunalaridan iborat bo’lgan kutubxona imkoniyatlari ularga qayg’uruvchi insonlar ekanligi buning yaqqol namunasi desak yanglishmaymiz. Shu jumladan, Urganch Davlat Universiteti ham ushbu o’gir vaziyatda xorijiy talabalarga katta e’tibor qaratgan holda, bir qator tahsinga loyiq ishlarni amalga oshirdi.
Hozirgi kunda Urganch Davlat Universitetida umumiy talabalar soni 17000 dan ortiq va shulardan 1200 nafardan ziyodi turkmanistonlik talabalar hisoblanadi. Joriy yilning 16-mart kunida COVID-19 virusiga qarshi kurashish va uni oldini olish uchun mamlakatda e’lon qilingan karantin sababli chegaralar yopib qo’yildi va xorijiy talabalar universitet talabalar turar joyida qolishiga to’g’ri keldi. Shunday qiyin vaziyatda rektorimiz Abdullayev Bahrom Ismoilovichga yana bir bora o’z minnatdorchiligimizni bildiramiz. Shu qatorda, universitet prorektorlari: Xodjaniyozov Sardor, Davletov Sanjar, O’razboyev G’ayrat hamda ma’naviy-ma’rifiy ishlar bo’limi boshlig’i Allaberganov Sherali va xalqaro aloqalar bo’limi boshlig’i Yuldashev Elyor talabalar turar-joyidagi talabalar ahvolidan xabar olib qo‘llaridan kelganicha yordam beryaptilar.
Universitet xodimlari shunday og‘ir kunlarda bizni yolg‘izlatib qo‘yishmadi. Fakultetimiz dekani Yarmetov Jumanazar Ruzimovich , o‘quv ishlari bo‘yicha dekan muovini Kutlimuratov Dilmurat , yoshlar bilan ishlash bo‘yicha muovin Siddiqov Xasan Taxirovich , Xotin-qizlar qo‘mitasi raisi Atajnova Anorgul, Ollaberganova Sanobar , o‘qituvchilarimizdan Karimova Qunduzlar bizdan xabar olish uchun tez-tez "Talabalar turar-joyi" ga kelib turishibdi. "Talabalar turar-joyi" direktori Yusupov Zokir , kamendantimiz Qo‘ziyev Rahmatjon, tarbiyachimiz Yunusova Nigoralar ham bizdan o‘z yordamlarini ayamaydilar. Universitet hisobidan talabalar uchun go‘sht, makaron, sabzi, yog‘, shakar, kartoshka, guruch, piyoz kabi mahsulotlar berildi.
Bundan tashqari, shu yilning 20-mart sanasida Oliy va o’rta-maxsus ta’lim vaziri Inomjon Majidov hamda Turkmanistonning O’zbekistondagi elchixonasi vakillari ham Urganch Davlat Universitetida chet ellik talabalarga yaratilayotgan sharoit va imkoniyatlar bilan tanishib chiqdi va ular bilan suhbat qurishdi.
Men shu yerdagi barcha o’qituvchi va murabbiylarga , yotoqxona xodimlariga va mutasaddi shaxslarga o’z minnatdorchiligimni bildirmoqchiman. Chunki garchi uydan uzoqda bo’lsak-da, bizga xuddi uydagidek barcha sharoitlarni yaratib berishdi: ko’chma do’konlar, dorixona, plastiklar uchun bankomatlar va kutubxona. Har kuni shaxsan rektor hamda prorektorlarimiz kelib xabar olishadi va tushuntirish ishalarini olib borishadi. Umid qilamanki, biz buni tez orada yengib o’tamiz. Bu maqolani yozishimdan maqsad bizga g‘amxo‘rlik qilayotganlarga minnatdorchilik bildirish hamda barchani sabrli bo‘lishga undashdir.
Xulosa o’rnida shuni aytishimiz mumkinki, har bir baloga eng yaxshi da’vo bu- birdamlikdir. Qo’lni-qo’lga bergan odam ham cho’kayotgan kemadan qutulib qola olgan. “Vahimaning o’zi yarim kasallikdir, xotirjamlik- yarim sog’likdir, sabr esa shifoning boshlanishidir” - degan ekanlar buyuk tabib Abu Ibn Sino. Shu o’rinda , “ Agar Bizning xalqimiz birdam bo’lsa, yakdil bo’lsa, bu ofatdan tez orada qutulib ketamiz” - deydilar ishonch bilan muhtaram prezidentimiz Sh.M.Mirziyoyev. Keling, eng kichik ko’rsatmalarga ham amal qilaylik va uyda qolib dunyoni qutqaraylik!
Urganch Davlat Universiteti Pedagogika fakulteti " Boshlang‘ich ta‘lim va sport tarbiyaviy ishi" yo‘nalishi 2- bosqich 186-guruh xorijiy talabasi Ernazarova Laylo