Talabalikni inson umrining oltin davriga mengzaydilar. Darhaqiqat, talabalik yoshlikning eng jo‘shqin va eng shijoatli, eng gullagan, eng zavq-shavqqa  va yuksak  orzu–maqsadlarga to‘liq davridir. Yoshlik – bu ajoyib davr. 30-iyun Prezidentimiz Sh.Mirziyoyev tashabbuslari bilan “Yoshlar kuni” deya e`lon qilingandan buyon mamlakatimizdagi barcha yoshlarga o‘z kunini nishonlash imkoniyati yaratildi. 

Ushbu sana munosabati bilan, shuningdek, Filologiya fakultet o‘quv yili yakunlariga bag`ishlab bugun, 2021-yil 29-iyun kuni Urganch davlat universitet Filologiya fakulteti talabalari ishtirokida "Yilning eng faol talabasi" ko`rik-tanlovi bayram soni o‘tkazildi. 

Tadbirda fakultetning o‘quv va ilmiy jarayonlari, qolaversa, ma'naviy- ma'rifiy tadbirlarida faollik ko‘rsatgan bir guruh iqtidorli, shijoatli va ilmga chanqoq talabalari taqdirlandilar. 

181-guruh O‘zbek tili ta'lim yo‘nalishi talabasi, Alisher Navoiy nomidagi davlat stipendiyasi sovrindori Yodgor  Xudoyberganov esa mutloq g‘olib sifatida e`tirof etildi. 

Tanlov g‘oliblarini UrDU Yoshlar masalalari va ma'naviy- ma'rifiy ishlar bo‘yicha prorektori S. Davletov,  Ilmiy ishlar bo‘yicha prorektori Z.Ibragimov,  fakultetning barcha kafedra mudirlari hamda dekani D.G‘ayipov samimiy tabriklab, faxriy yorliq va esdalik sovg‘alarini taqdim qildilar. 

Tadbirda fakultetda joriy  o‘quv yilida erishilgan qator yutuqlar alohida ko‘rsatilib,  fakultet jamoasining bir yillik samarali mehnatlari ham e'tirof etildi. Bayram tadbiri  talabalar tomonidan tayyorlangan kuy- qo‘shiq, nafis raqslar, hazilomuz sahna ko‘rinishlari orqali yanada yuqori kayfiyatda va qiziqarli o‘tdi.