Filologiya fakulteti "O‘zbek tili va adabiyoti" kafedrasi  dotsenti B.Rahimova tomonidan Ogahiy ijod maktabida "Shavkat Rahmon - "jasorat" so'zining tarjimoni" mavzusida  mahorat darsi tashkil etildi. Dars jarayonida shoir ijodida mavzular mushtarakligi, ohangdagi o'ziga xoslik va poetik so'zning yangi qirralarini kashf etishi bilan ham farqlanib turishiga alohida to'xtalib o'tildi. Mahorat darsi davomida o'quvchilar shoir ijodidan yod olgan she'rlarini ijro etdilar va savollar bilan murojaat qildilar. B.Rahimova o'quvchilarning Shavkat Rahmon ijodi va tarjimalari haqidagi savollariga batafsil javob berdi.