Ozarbayjonning Boku shahrida o'tkazilayotgan xalqaro konferensiya doirasida Urganch davlat universiteti Filologiya fakultetining bir guruh professor-o'qituvchilari Ozarbayjonning Simqayat shahrida joylashgan "Poeziya uyi"ga tashrif buyurishdi. Tashrif davomida o'zbek va ozarbayjon adabiyotidagi mushtarak jihatlar, o'zaro adabiy hamkorlik haqida fikr-mulohazalar bildirildi. Adabiy kecha mushoira tarzida davom etdi va ikki el o'rtasidagi ijodiy munosabatlarning samimiy talqinini o'zida mujassamlashtirdi. Tadbir davomida filologiya fanlari doktori, dotsent, D.Q.G'ayipov va "O'zbek tili va adabiyoti" kafedrasi o'qituvchisi M.Otamuratovalar so'zga chiqib, adabiy aloqalarning bardavom bo'lishiga tilak bildirishdi. Badiiy kecha yakunida ishtirokchilar "Poeziya uyi" rahbariyati tomonidan "Faxriy qo'noq" diplomi bilan taqdirlandilar!