Urganch davlat universiteti rahbariyati va talabalar uchrashuvi boʻlib oʻtdi

Bugun, 27-noyabr kuni Urganch davlat universiteti Madaniyat saroyida "Rahbariyat va talabalar" uchrashuvi boʻlib oʻtdi.

Uchrashuvda Urganch davlat universiteti rektori v.v.b.S.Xodjaniyozov hamda rektor maslahatchisi A.Shakarov qatnashib, talaba-yoshlar bilan samimiy va ochiq muloqot olib borishdi.

Suhbat mobaynida ijtimoiy tarmoqlardan to'g'ri va oqilona foydalanish, universitetdagi tartib-intizom, odob-axloq qoidalari, dars jarayonlariga o‘z vaqtida kelish, qunt bilan ilm olish hamda xorijiy hamkor oliy ta'lim muassalarida ta'lim olib kelish dasturlari to‘g‘risida atroflicha soʻz yuritildi. Shuningdek, talabalar turar joyida yaratilgan shart-sharoitlar, u yerda istiqomat qiluvchi hamda ijarada turadigan talabalar bilan ishlash, talabalarning sog‘lom turmush tarzini shakllantirishda e’tibor qaratiladigan boshqa masalalar haqida fikr-mulohazalar bildirildi.

Shuningdek, muloqotda talabalar o‘zlarini qiziqtirgan savollari yuzasidan tegishli javoblarga ega bo‘lishdi.