Bugun, 9-aprel kuni  “Maʼrifat ulashib”  loyihasi doirasida Qo'shko'pir tumanidagi 41-son va 35-son umumiy o‘rta taʼlim maktablarida ijodiy uchrashuv o‘tkazildi. Uchrashuv Abu Rayhon Beruniy nomidagi Urganch davlat universiteti Xorijiy filologiya fakulteti Fakultetlararo chet tillar kafedrasi tashabbusi bilan tashkillashtirilib, unda 41-son maktab direktori H.Rajabov va 35-son maktab direktori X.Iskandarova, kafedra o‘qituvchilari I.Saparova, U.Sultanova, U.Allaberganova, N.Klicheva, D.Allonovlar qatnashib, o‘quvchilarni yurtimizda bugungi kunda yoshlar uchun yaratilayotgan imkoniyat va sharoitlardan  unumli foydalangan holda yaxshi taʼlim-tarbiya olib, zamonaviy ilmlarni egallab, yetuk kadrlar bo‘lib yetishishga chorladilar.Shu bilan birgalikda buyuk mutafakkurlarimizning ruboiy va g'azallaridan bahru bayt aytishib faol qatnashgan o'quvchilarga sovg'alar ulashildi.