Kompyuter ilmlari kafedrasi ilmiy yo’nalishi

Oliy ta’lim muassasalarida axborot almashinuvini avtomatlashtirish.

Qisqacha tavsifi:

Oliy ta’lim muassasalari boshqaruvining eng zaruriy muammolaridan biri o’quv jarayonini samarali boshqaruvidirki, bu jarayonda ko’p sonli foydalanuvchilar bo’lgan talabalar, professor-o’qituvchilar, o’quv va boshqaruv xizmatidagi xodimlar qatnashadi va bevosita ularning ish sharoitlariga ta’sir qiladi. Zamonaviy sharoitda muayyan ta’lim muassasasi uchun ta’lim jarayonini tartibga soluvchi me’yoriy xujjatlarni tadbiq qilish katta mexnat va murakkabliklar talab qiladi. Barcha mavjud imkoniyatlar va ulardan samarali foydalanish boshqaruv xodimlari uchun katta mexnat talab qiladi. Asosiy maqsad ta’lim muassasalari uchun ta’limni boshqaruvning avtomatlashtirilgan tizimini qurish, texnologik jarayonlarni qog’ozsiz texnologiyalarga o’tkazish, ta’lim muassasasining yagona axborot muxitini  yaratishdan iboratdir. Tizim quyidagi maqsadlarga qaratiladi:

• ta’lim muassasasining yagona axborot muxitini  yaratish;
• zamonaviy sharoitlarda soxalar bo’yicha yuqori malakali mutaxassislarni tayorlashga erishish;
• ta’lim muassasasining asosiy va yordamchi tadbirkorlik jarayonlarining axborot ta’minoti;
• ta’lim muassasasini boshqaruv samaradorligini oshirish;
• xujjat aylanishini avtomatlashtirish;
• tizimni tadbiq qilish orqali iqtisodiy samaradorlikka erishish
• ta’lim muassasalari xududlariga turniketlar o’rnatish va ularni tizimga qo’shish orqali ish vaqtlari xisoblarini yuritish;
• ta’lim muassasalarida ortiqcha xarajatlarga barxam berish;
• akademik va boshqaruv personallarining ish samaradorligini oshirish

distsiplinar xisobotlarni yuritish, talabalar davomadini yuritishni avtomatlashtirish;